ფანტაზია, რომელიც ხვალინდელი დღე შეიძლება იყოს

გუშინდელი მოცლილობის ჟამს, სრულიად შემთხვევით კაზუო იშიგუროს “არასოდეს გამიშვა” შემომეკითხა. თავიდან გასართობად ვკითხულობდი, ნაწილის წაკითხვის შემდეგ კი უფროდაუფრო დამაინტერესა.

წიგნი ისევ როგორც მის მიხედვით 2010 წელს იგივე სახელწოდებით გადაღებული ფილმი ბავშვებზე და მათ მომავალ ცხოვრებაზე მოგვითხრობს. ბავშვებზე, რომელებიც მკაცრი ზედამხედველობის ქვეშ, განმარტოებულად ინტერნატში იზრდებიან. ბავშვებზე, რომელებიც კლონირებით მხოლოდ (დღეისათვის) უკურნებელი დაავადებების მოსარჩენად შექმნეს. შექმნეს რათა საჭირო მომენტში დონორებად იქცნენ და თავიანთი ორგანოები სხვას გადაუნერგონ. (ფილმის შინაარსი დაწვრილებით შეგიძლიათ ნახოთ აქ >>> )

უნდა აღვნიშნო რომ პირადად მე წიგნი უფრო მომეწონა, ვიდრე ფილმი.

წიგნი სავსეა ემოციებით – თავიდანვე შემოჩენილ გაურკვევლობას, მეგობრობა, სიყვარული, სევდა, ბედნიერება, იმედი და იმედგაცრუება ემატება და ერთ დიდ ჯაჭვს ქმნის. მაგრამ ახლა მინდა მთავარზე გადავიდე.

დღეს ეს ყველაფერი ფანტაზია, მაგრამ რა იქნება ხვალ?! ნუთუ ასევე გაირიყებიან საზოგადოებისგან ისინი?! ამიტომაც მიმაჩნია, რომ ადამიანის კლონირება სასტიკად დაუშვებელია. უნდა გვესმოდეს, რომ დიდ ძალაუფლებას დიდი პასუხისმგებლობა ახლავს თან. ადამიანის შექმნა კი დიდი ძალაუფლებაა!

გარესამყარო ესაა ფლორა, ფაუნა და ადამიანები. ამიტომაც ნებისმიერი ადამიანი სულიერია, გვინდა ჩვენ ამის დანახვა თუ არა!

ნაწარმოები ბავშვობიდან იწყება, ნაჩვენებია თუ რა გარემოში იზრდებიან ისინი. ამიტომაც ამ ფაქტის ანალიზით შეგვიძლია დავასკვნათ, რომ სულიერ სამყაროს ავითარებს და აფართოებს განათლება და აღზრდა. შესაბამისად აღზრდილი და განათლებული არსება, რომელსაც შეუძლია შექმნას, დააფასოს და აღიქვას სილამაზე ნამდვილად სულიერია!

ასე, რომ მგონი დროა, დავფიქრდეთ!

და ესეც სიმღერა, თუ რატომაც ქვია ეს სათაური!

Bueno

ეს თემა ზუსტად 2 წლისაა. დიახ, სწორედ 2010 წლის 6 მიასს გამოჩნდა ის და დღეს 1200505 ბლოგი იყენებს. მე დიდად არ მომწოს თუმცა არ ნიშნავს, რომ ცუდია.

Appearance → Theme Options. საშუალებას გაძლევთ 7 ფერიდან ერთ-ერთი ამოირჩიოთ და სწორედ ამ ფერში იქნება წარმოდგენილი თქვენი ბლოგი.

შეგიძლიათ შეცვალოთ ფონი და შეურჩიოთ Header .

თემა საინტერესოა თავისი Bueno Featured Posts widget-ით. რომელიც საშუალებას გაძლევთ ერთ თაგის ან კატეგორიის ქვეშ გაერთიანებული პოსტები პოსტები გამოაჩინოთ. ამისათვის ამ პოსტებს დაურთოთსურათი და excerpts განყოფილებაში პატარა აღწერა დაამატოთ. უნდა იცოდეთ, რომ:

1. საიდბარის ზომაა 300 პიქსელი.
2. Header – ის ზომები უნდა იყოს 930 პიქსელი 198 პიქსელზე.

გაფუჭებული ტელევიზორი

აქაც დავწერ ბარემ.

წარსული: „დავიმახსოვრებ!

“აწყმო: „რას?! “

მომავალი: „ბუნდოვნად მახსოვს!

“მწირი მითქმა-მოთქმით და გამჭოლი მზერით „არსება“ ოთახში დააბიჯებდა და მზესავით მწველ, სარკესავით წმინდა და შეგრძნებისავით ამოუცნობ ქვეცნობიერზე, ოდესღაც დალექილ ზედმეტი ინფორმაციის მინავლებულ კოცონს საჩხრეკით ჩხრეკდა და ნაკვერჩხალს აღვივებდა. და სულ მალე, ცეცხლიც აინთო! მაშინვე გაახსენდა – „ნაღმი ცეცხლს აჩენს, ცეცხლი კი – სინათლეს! “ სინათლემ თავისი გაიტანა და ოდესღაც ნანახი თვალწინ წარმოუდგა:

„მოგესალმებით!ქართული საზოგადოების ერთიანობამ და მათმა დაჟინებულმა მოთხოვნამ ქართულ სამაუწყებლო კომპანიებს ერთიანი სტრუქტურისა და სინამდვილეში (რეალობაში) არსებულ-არარსებული მოვლენებისა თუ ფაქტების სიის  შედგენა აიძულა. დღეიდან თითოეული ჩვენგანი ვთანხმდებით და ვიცით, რომ

1. ინფორმაციის სწორი მოწოდებაა რეალობის იდენტური აღწერა და არა კონკრეტული ადამიანის ქმედების დაუსაბუთებელი შეფასება და ამ ყველაფრისთვის ქართული წარმოების, სპეციფიური სუნამოს – „ცინიზმის შეპკურება“.
2. ყველა ნივთიერებას საკუთარი დუღილის ტემპერატურა აქვს. 100 გრადუს ცელსიუსზე წყალი დუღს და მეტი არაფერი – უბრალოდ ორთქლად იქცევა. ამიტომაც ამ პროცესის თავის დროზე შეწყვეტაა აუცილებელი – აღარც ჩაიდანი შეგვაწუყებს, არც კომუნალური გადასახადები გაიბერება და არც ამ წყლისგან მომზადებულ ჩაის დაეწუნება ხარისხი.
3. დიდი თვლებისა და გამოკვლევების შემდეგ მსოფლიოს მოაზროვნე ადამიანთა სივრცე =საზოგადოება მივიდა დასკვნამდე, საბოლოოდ დაადასტურა და ქართველი ერის მუდმივ ტკივილს – ქართულ  ენაში არსებულ ასოთა რაოდენობას პასუხი მოუძებნა. ქართულ ენაში 33 ასოა.
4. კონსტანტინე გამსახურდია ამობობდა „ქანდაკებას იმ მხრიდან უნდა შეხედო, საიდანაც ის ყველაზე ლამაზია“, ამიტომაც საყვარელ იუმორისტულ გადაცემას დღეიდან „ანფასი“ ექმევა, ნაცვლად „პროფილისა“, ხუთშაბათის ნაცვლად ორშაბათობით გავა ეთერში და წამყვანი გადაცემას დაასრულებს „თვალების პაჭუნით“, ნიშნად იმისა, რომ ჩვენ ვიცით – თქვენც რაღაცას მალავთ.
5. ყველაფერი კარგად არ არის და არც იქნება თუ არ მოვინდომეთ!
6. მნიშვნელობა არ აქვს რა გაცვიათ, დღეიდან ჩვენთვის მნიშვნელოვანია, თუ ვის ან რას აცვია ეს ტანსაცმელი.
7. ქართველი ქალის ღირსება თითოეულ ოჯახში იმალება და არ გიქნევთ ყოველდღე ხელს ტელეეკრანებიდან.
8. დემოკრატია ბერძნული სიტყვაა და „ხალხის მართველობას ნიშნავს“.
9. ბოლო უნდა მოეღოს ტელევიზიების მხრიდან, წარსულის გადმონაშთ ჩვეულებებსა და უმიზეზო გამოხტომებს, როგორიცაა – გაუთავებელი და მიურიდებელი ჭორაობა სხვათა მოუწესრიგებელ პირად ცხოვრებაზე, მუდმივად პოლიტიკის ღეჭვას ქართული სანელებლის – „ლაქუცის“ თანხლებით და არსებული სიტუაციის გაშუქებას ერთფერიანი შუქნიშნის შემყურე.
10. თქვენ აკეთებთ, ჩვენ ვამბობთ! “

ვამბობთ, ვამბობთ! რას ვამბობდი?! ეჰ, ცეცხლი ჩაქრა და ამ ამბავმაც სამუდამოდ დაიდო ბინა წარსულში. გაქრა არსება, თუმცა დარჩა შეგრძნება.გაიღვიძე !!! ჩაიდნის ხმამ გამომაღვიძა და გაფუჭებული ტელევიზორის შრიშინის მსმენელსა და გაურკვეველი კადრების შემყურეს გამახსენდა – ლიმონი!

ახლა კი ლიმონიან ჩაის გეახლებით.

სათვალე (ნაწ. II)

რადგანაც ეს დავწერე , ბარემ ამასაც დავწერ.

მე უფრო ცუდად მეგონა საქმე. მაგრამ გადავრჩი. სულ რაღაც -0.75. და მხოლოდ ქუჩაში ავტობუსების ან სამარშუტო ტაქსების ნომრების (შორიდან), მეტროში  – საათის, კლასში – დაფის და სახლში მხოლოდ -  ტელევიზორის (ე.ი. ფაქტობრივად სახლში არ მჭირდება) დასანახად უნდა მეკეთოს.

(ვ)ფიქრ(ობ(თ))

- (ვ)ფიქრ(ობ(თ))?!

- არ ვიცი!

მე და ჩემს მეგობრებს არაერთხელ გვიდავია თემაზე – არსებობენ კი ისეთი ადამიანები ვის, ცხოვრებასაც არ აქვს აზრი?! და მხოლოდ თავშეუკევებელი ვნების წყალობით მოევლინენ ამ ქვეყანას. საბოლოოდ კი მივედით დასკვნამდე, რომ

თითოეული არსება თანაბარი პოტენცილით იბადება, რათა იყოს კარგი, კეთილი და მისაღები. (არის რაღაც შეუსაბამობა, თითქოს უსამართლობაც. მაგრამ ჩემი აზრით ზოგიერთ ნაკლს და სისუსტეს გარემო ანაზღაურებს, ამიტომაც საბოლოოდ, დაბადებისას ყველას თანაბარი პოტენციალი გვაქვს).

ზოგიერთი ამ პოტენციალს იყენებს, ზოგიერთიც კი საერთოდ ივიწყებს საკუთარ შესაძლებლობებს. აქტიური ცხოვრებიდან, პასიურ არსებობას ირჩევს და დიდი მქანიზმის უბრალო ნაწილად იქცევა, არადა … აქვე თავს იჩენს გულდაწყვეტა და პასუხი კითხვაზე - (ვ)ფიქრ(ობ(თ))?! , – არა.

მაგრამ პირველი ნაწილი აგრძელებს ცხოვრებას და პოტენციალიც არსებულ ფაქტებად იქცევა. ასე, განვითარებასთან ერთად თითოეული იწყებს ოცნებას, ოცნება კი ფიქრს აწყებინებთ. ფიქრს კი რეალურ შედეგებამდე მივყავართ.

მე ძალიან მიყვარს ჭკვიანი ადამიანები და თანამედროვე ტექნოლოგიები. ვუყურებ მათ და

- (ვ)ფიქრ(ობ(თ))?!

- კი ვფიქრობთ!

რაც ძალიან მახარებს და მამშვიდებს, ბევრი იფიქრეთ რა!

Sundance

აი ახალი თემაც!

ის 2012 წლის 1 მარტს გამოჩნდა და უკვე 5300-მა ბლოგს ამშვენებს მისი დიზაინი. ამ რიცხვით ჯერ-ჯერობით მხოლოდ 153-ეა.

საკმაოდ დახვეწილი და სადა დიზაინი აქვს. რაც სხვადასხვა ინტერესის მქონე ადამიანებს ერთნაირად აინტერესებს.

საშუალებას გაძლევთ თავად აირჩიოთ Header და Background. ხოლო Theme options – ში ბლოგის Fb გვერდის, Twitter-ის, Google plus – ის და Flickr – ის ლინკების მითითებით სხვადასხვა ხატულას სახით გამოჩნდება ის ბლოგზე. აი ასე:

და ბოლოს მივადეგით ჩემთვის ყველაზე სასრგებლო და ორიგინალურ მიზეზს, რის გამოც ძალიან მომწონს თემა და თქვენც გირჩევთ მას. ესაა მისი sticky post – ები. ოღონდ ის სტანდარტული მსგავსი პოსტებისგან გამოირჩევა იმით რომ, თქვენ შესაძლებლობა გავქთ sticky post – ები შექმნათ ოღონ ვიდეო ფორმატში. ყველაფერს ვაკეთებთ სტანდარტულად, უბრალოდ პოსტის წერისას, მის ფორმატად ვუთითებთ – ვიდეოს. და პატარა ანოტაციას ვწერთ ვიდეოს შესახებ Excerpt განყოფილებაში. (თუ კი ის არ ჩანს, მაშინ Screen Options – ში მოვნიშნავთ Excerpt განყოფილებას. ) აი ასე:

საბოლოოდ კი ასეთი შედეგი გექნებათ:

საჭიროა იცოდეთ, რომ:

1. მისი Header – ის ზომები უნდა იყოს 984 პიქსელი 242 პიქსელზე.
2. მისი Sidebar – ის ზომაა 186 პიქსელი.

ეს თემა განსაკუთრებით მინდა ვურჩიო კინოგურმანებს, რომელებიც ძირითადად ვიდეო პოსტებს გვთავაზობენ.